پیر, مئی 27, 2024
spot_img
ہومجھلوانوڈھ: گورنر بلوچستان ملک عبدالولی کاکڑ کی کوٹ مینگل آمد، سردار اختر...

وڈھ: گورنر بلوچستان ملک عبدالولی کاکڑ کی کوٹ مینگل آمد، سردار اختر مینگل سے ملکی و علاقائی صورتحال پر گفت و شنید کی گئی۔

گورنر بلوچستان ملک عبدالولی کاکڑ وڈھ پہنچ گئے، جہاں انکا بی این پی کے مرکزی رہنما رکن صوبائی اسمبلی حاجی احمد نواز بلوچ مرکزی ڈپٹی جنرل سیکرٹری لال جان بلوچ، بی این پی ضلع خضدار کے صدر میر شفیق الرحمن ساسولی سمیت دیگر پارٹی کارکنوں نے استقبال کیا۔

گورنر بلوچستان ملک عبدالولی کاکڑ بی این پی کے سربراہ سردار اختر جان مینگل سے ملاقات کی۔ اس دوران مینگل قبیلے کے سربراہ سردار اسد اللہ خان مینگل، بی این پی کے مرکزی ڈپٹی جنرل سیکرٹری لال جان بلوچ، میر جہانزیب مینگل، سردار محمد اسحاق مینگل، رکن صوبائی اسمبلی میر محمد اکبر مینگل، شکیل بلوچ، ایم پی اے میر اختر حسین لانگو، حاجی باسط لہڑی، بی این پی خضدار کے صدر میر شفیق الرحمان ساسولی، چنگیز گچکی، میر اورنگزیب میر جمال مینگل، میر کامران عالیانی سمیت پارٹی کے مرکزی ضلعی و مقامی کارکنان موجود تھے۔

اس موقع پر گورنر بلوچستان ملک عبدالولی کاکڑ نے پارٹی سربراہ سردار اختر جان مینگل کے ساتھ ملکی سیاسی صورتحال بلوچستان اور خصوصا علاقائی سیاسی اور خاص طور پر امن وامان کی صورتحال سمیت تفصیلی گفتگو کی۔

دریں اثنا گورنر بلوچستان ملک ولی عبدالولی کاکڑ کے اعزاز میں پرتکلف ظہرانے کا اہتمام کیا گیا تھا۔ ظہرانے میں بلوچستان نیشنل پارٹی ڈاکٹر عبدالواحد بروہی، چیئرمین لال جان بلوچ، میر محمد خان میر حاجی، میر شفیق الرحمن ساسولی، ایم پی اے میر اختر حسین لانگو، حاجی احمد نواز بلوچ میر محمد اکبر مینگل، حاجی عبدالباسط لہڑی، ڈپٹی کمشنر خضدار کیپٹن ریٹائرڈ جمیل احمد بلوچ سینیئر سپرنٹنڈنٹ پولیس فہد کھوسہ سمیت پارٹی کے سینیئر رہنماؤں اور مقامی کارکنوں نے شرکت کی۔

متعلقہ مضامین

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

تازہ ترین