پیر, مئی 27, 2024
spot_img
ہومبلوچستانتربت: نیشنل ڈیموکریٹک پارٹی کیچ ھنکینءِ نیمگ ءَ چہ ھیلکاری دیوانے ”پارٹی...

تربت: نیشنل ڈیموکریٹک پارٹی کیچ ھنکینءِ نیمگ ءَ چہ ھیلکاری دیوانے ”پارٹی پولیٹکس ءِ ارزشت ءِ سر ءَ لینن“ سرحالءَ  برجم دارگ بوت۔ 

رمس 23  اپریل 2024  نیشنل ڈیموکریٹک پارٹی کیچ ھنکینءِ نیمگ ءَ چہ ھیلکاری دیوانے ھنکینی آرگنائزر فرمان بلوچءِ سروکی ءَ  برجم دارگ بوت۔ دیوانءِ سرھال ”پارٹی پولیٹکس ءِ ارزشت ءِ سر ءَ لینن“ ءِ هیال اَت۔ تران کار مھراج بلوچ اَت۔

دیوانءِ بِندات بوّگءَ پیسر دو ساہتءِ ھاموشی پہ بلوچستانءَ شہید بوتگیں سراں دارگ بوت۔

سنگت معراج ءَ پارٹی پولیٹکس ءِ سرا تران کنان ءَ گُشت کہ لینن بیستمی کرن ءِ “آرگنائزیشن مین” گُشگ بیت کہ آئی ءَ مارکسسٹانی پارٹی پولیٹکس ءِ بنیاد ایر کُتگ۔ 

انچو کہ مارکس اے سرپد بیت کہ پوریاگر (مزدور )طبقہ بزاں پرولتاریہ spontaneously وت اے اسٹیج ءَ سر بنت کہ سرمایہ داری نظام ءَ پروش دیاں ءُ آئی ءِ جاگہ ءَ پوریاگرانی ھاکمی ءَ گیپت  بلئے لینن اے بے عمل ءُ دخلیں آشوب ءِ تھا پارٹی سیاست ءِ ارزشت ءَ دیم ءَ کار اِیت۔ 

سنگت ءَ دیمتر ءَ تران کنان ءَ لینن ءِ 1902 ءِ نبشتانک “what is to be done” ءِ بابت ءَ گُشت کہ اے لینن ءِ ھمے منانک arguments اَنت کہ آ پارٹی سیاست ءِ کمی ءَ مار اِیت۔ ھمیشی ءِ تھا آ گُشیت کہ مخصوص (روس) ءِ تھا ھرچ کہ مارکسسٹ گروپ ئِے ھست آیاں یک مُھکمیں پارٹی یے درکار اِنت۔ کہ آ پارٹی professional revolutionary یا ھنرمندیں آشوبیانی پارٹی بیت۔ لینن اے سرپد بیت کہ بئید ء چُشیں مھکمیں پارٹی یے ءَ پوریاگر آشوب آؤرت نہ کننت۔

دیمتر ءَ سنگت ءَ لینن ءِ ھمے گشتن کہ sometimes history needs a push ءِ دَرور دات کہ پارٹی ھمے زور ءِ کار ءَ کنت کہ پوریاگر ئِے تھنا کُت نہ کنت، بزاں مزدور طبقہ مھکمیں پارٹی یے ءِ نہ بوھگ ءَ وتی زور ءَ آشوب آؤرت نہ کنت، اے کارءَ مھکمیں پارٹی یے کنت کہ لینن ءِ ھساب ءَ آ آشوب ءِ آرگ ءُ دارگ ءِ یکیں مانزمان اِنت۔

گُڈسر ءَ سنگت ءَ گُشت کہ لینن ھمے پارٹی اسٹرکچر ءِ کہ گپ ءَ جنت اے پارٹی (سنٹرل ڈیموکریسی) ءِ بنیاد ءَ کار کنوکیں پارٹی یے۔ ءُ ایش پارٹی اسٹرکچر ءَ بیستمی کرن ءِ جتاہ جتاھیں مارکسسٹ ءُ نیشنلسٹ وتی وتی زمین ءِ جاورانی بنیاد ءَ جوڑ کن اَنت ءُ وتی زمین ءِ زورآورانی بگیر ءَ آشوب کار اَنت ءُ سوبمند بنت۔

متعلقہ مضامین

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

تازہ ترین