پیر, مئی 27, 2024
spot_img
ہومبلوچستانتربت: بی ایس او پجار لاء کالج بنزہ ءِ نیمگا ازمکار ءُ...

تربت: بی ایس او پجار لاء کالج بنزہ ءِ نیمگا ازمکار ءُ اکس کش نمیرانیں کمانچر بلوچءِ یاتءَ یک پرمڑاہیں مراگشے برجم دارگ بوت۔

بی ایس او پجار لاء کالج بنزہ ءِ نیمگا ازمکار ءُ اکس کش نمیرانیں کمانچر بلوچءِ یاتءَ یک پرمڑاہیں مراگشے برجم دارگ بوت۔

مراگشءِ بندات قرآن پاکءِ تلاوتءَ چہ کنگ بوت، پدا نمیرانیں کمانچر بلوچءِ یاتءَ دو منٹءِ واستہ ھاموش بوت انت ءُ پدا بلوچ راجی سوت وانگ بوت۔

راجی سوتءَ رند بی ایس او پجارءِ مرکزی جوائنٹ سیکٹری نوید تاج بلوچءَ کمانچر بلوچءِ زند ءُ ازمءِ سرا تران کُت ءُ کمانچر بلوچءِ ازم ساڑا اِت، پدا نودربراں دوچاپی کُت ءُ دوچاپی ءَ رند مشاعرہ بوت ءُ مشاعرہءَ چہ پد مراگشے مہمان ھاس ایڈوکیٹ خلیل رونق بلوچءَ نودربرانی بانداتءِ رہشونی بزاں کہ (career counseling) ءِ سرا تران کُت ءُ نودربر سر ءُ سوج کُت انت گُڈ سرا ساز ءُ زیملی دیوان بوت۔

ساز ءُ زیملی دیوانءَ بیبگر بلوچ، وہاب بلوچ، فتح بلوچ ءُ سنگتاں بھر زرت۔

مراگشءَ مزنیں کچےءَ نودربر، لاء ڈیپارٹمنٹ ءِ استاد ءُ پروفیسر، ادبی مردم، چاگردی مردم ءُ لس مہلوکءَ مزنیں کچےءَ بھر زورت ءُ مراگش سوبمند کُت۔

مراگشءَ بی ایس او پجارءِ بنجاہی، صوبائی ءُ ھنکینی باسک ہم ساڑی بوتگ انت۔ مراگشءِ ھاسیں مھمان ایڈووکیٹ خلیل رونق ات ءُ مراگشءَ تلوءِ زمہ واری سنگت شاہ نور بلوچ ءُ سنگت نصر اللہ صمدءَ گون اتاں۔

متعلقہ مضامین

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

تازہ ترین